Utilisateur:Abdelhalim oukazi/Brouillon

ياسين براهيمي modifier

زايد ف 8 فيفري 1990 في باريس بفرانسا هو آصلو من المنيعة فل ولاية تاع غرداية. لعّاب تاع بالون، يلعب في لاتاك معا نادي بورتو تاع البرتغال عندو موهيبة كبيرة.

في 2006 دخل ل سونتر التدريبي تاع ستاد رين . بدا يلعب فل ݕروفيسيونال ف 2009-2011 كي سلفوم ل كليرمونت فوت ف الدرجة الزاوجة وين دار عام شباب . عامين موراها زادت رين سلفاتو ل غرناطة تاع سبانيا و زاد بينلهم بلي يلعب مليح و شراوه و موراها ب عام باعوه ل بورتو.
.لعب مع كامل لي كاتيڤوري تاع فرانسا . مي ف فيفري 2013 خطار باش يلعب مع الجزاير و لعب معاهم الكوپ جي موند و لكوپ دافريك

كيفاش كانت بدايتو modifier

كيما قلنا براهيمي زاد في باريس . والديه دزيريين . كي كان في عمرو 7 سنين بانت موهيبتو و لعب معا دي زيكيپ صغار كيما إي أس بي مونتيرويل و فينسينوا قبل ما يروح في 2003 ل مركز كليرفونتين وين يخرجو لمواهب و وين سينيا 3 سنين و وراها راح للمركز التدريبي تاع باريس سان جيرمان وين زاد تعلم مليح

ماسيرتو الحتيرافية modifier

مع نادي رين modifier

في 23جوان 2008 سينيا لكونطرا پروفيسيونال الاول تاعو مع نادي رين اللي سينيا معاه 3 سنين مبعد كي بان فالدوري لفرنسي تاع لهواة و ممبعد ما لعب عام معاهم سلفوه لنادي الدرجة الثانية نادي كليرمونت فوت وين لعب عام واحد پاسكو كان صغير . كان يخصو شوية وقت و تان باش يكتاسب شوية تاع خبرة ف درجة الزاوجة وين كان لونترينار تاعو ميشال زكريان.
في 25 سبتمبر 2009 ماركا البيت اللول تاعو في دوري محترف . كان يلعب بزاف فلجناح ليسر ممبعد هادا رجع يلعب في نانت أساسي في موسم 2011/2010 .في 07/أوت/2010 بدا لماتش تاعو لول ضد ليل و زادفل كونطرا تاعو 3 سنين مع لفريق و فالماتش الزاوج لي كان ضد نانسي عاون فالربحة تاع ليكيپ تاعو پاسكو ماركا بيت ورجع مل مخيرين تاع لفريق و لعب بزاف من ماتش معاهم في فرانسا و في اروبا كيما دوري الأبطال و ليافا.

مع غرناطة modifier

                                سلفوه ل غرناطة   لي يلعبو ف دوري تاع سبانيا في 30 أوت 2012 ب 700.000 أورو باه يلعب معاهم عام واحد  برك .
 مبعد في 04 جويلية  2013  بدا ل كاريار  پروفيسيونال تاعو  بعد ما  لعب معاهم عام واحد عجبهم بزاف و شراوه ب 4  ملايين أورو باه  يلعب  معاهم 4  سنين   و عطاولو
  ميّار  جوار في لافريك  2013-2014 .

مع بورتو modifier

في 16 جويلية 2014 راح ياسين رسميا من غرناطة تاع سبانيا ل بورتو تاع البرتغال ب 6.5 ملايين أورو مدة 5 سنين و رفد التريكو نيميرو 8 كيما كان يلبس رابح ماجر و في نفس ليكيب . في 26 أوت 2014 ماركا كوفرو شابة بزاف فالماتش تاع الرتور ف التمهيديات تاع دوري الأبطال ضد ليل و خلا بورتو تروح لتور تاع لمجموعات.أمالا هو لي كاليفاهم لدوري أبطال أوروبا

. في 17 سبتمبر 2014 و فالماتش الأول تاعو فدوري الأبطال ماركا 3 بيات ضد باتي بوريسوف و كمل لماتش ب 6- 0 و رجع براهيمي أول واحد عربي وأول لعاب من نادي بورتو يماركي 3 بيات في دوري الأبطال

مع لفريق لوطني modifier

فالأول لعب مع فرانسا و لعب بطولة كاس الأمم الأوروبية لي قل من 19 سنة في 2009 و هو لي وصل فرانسا لنصف النهائي مور ما ماركا 2 بيات .مبعد زاد شارك معا فرانسا و هاد لخترا لي قل من 20 سنة في2010ا . .

في فيفري 2013 دارت بيين سبور تقرير و قالو بلي براهيمي ختار باه يلعب مع لجزاير . وراها بيامات برك ل فاف علنو بلي يقدر يلعب معا لجزاير و عيتولو باش يلعب الماتش الاول تاعو في مارس 2013 ضد البينين وين لعبو في تشاكار و ربحو ب 3-1 . و زادو عيطولو باش يلعب زوج ماتشات وداخرين في جوان 2013 الماتش اللول قعد فلااحتيات ضد لبينين بصح دخل توتيلار فالماتش الزاوج ضذ رواندا لي لعبوه في رواندا و دار ماتش شباب و شكراتو الصحافة..
و زاد شارك في التصفيات تاع كأس العالم 2014 في البرازيل و لعب كأس العالم و أهل الجزاير للدور الزاوج بعد ما ماركا بيت شباب بزاف ل كوريا. الجنوبية

الصوالح لي دارهم modifier

2007 بطل فرانسا لتحت 18 سنة

2014 أفضل لعاب جزايري

أفضل مراوغ في دوري تاع سبانيا 2014

أفضل لاعب افريقي في سبانيا2014

أفضل لاعب عربي مدتهالو الهداف 2014

الكرة الذهبية تاع الجزاير 2014.

لمراجع لي دينا منهم modifier

https://fr.wikipedia.org/wiki/Yacine_Brahimi