Français : Moeurs des Indiens tel que décrites par Champlain dans ses mémoires de voyage dans le golfe du Mexique.
«L'ordre dont ils usent maintenant est que en chacun estance qui sont comme vilages, il y a vng prestre qui les instruict ordinerement, ayant le prestre vng rolle de noms & surnoms de tous les Indiens qui habitent au village soubs sa charge. Il y a aussy vng Indien qui est comme procureur du village, qui a vng autre pareil rolle, & le dimanche, quand le prestre veult dire la messe, tous lesdicts Indiens sont teneus se presenter pour l'ouir, & auant que le prestre la commence, il prend son rolle, & les appelle tous par leur nom & surnom, & sy quelqu'vn deffault, il est marqué sur ledict rolle; puis la messe dite, le prestre donne charge à l'Indien qui sert de procureur de s'informer particullierement où sont les defaillans, & qui les face reuenir à l'église, où estant deuant ledict prestre, il leur de mande l'occasion pour lequel ils ne sont pas veneus au seruice diuin, dont ils alleguent quelques excuses s'ils peuuent en trouuer, & fy elles ne sont trouués veritables ou raisonnables, ledict prestre commande audict procureur Indien qui aye à donner hors l’eglise, deuant tout le peuple, trente ou quarante coups de baston aux defaillants. Voilla l'ordre que l'on tien à les maintenir en la religion, en laquelle ils viuent partye pour crainte d'estre battus : il est bien vray que s'ils ont quelque iuste occasion qui les empesche de venir à la messe, ils sont excusés.»
Tiré du BRIEF DISCOVRS DES CHOSES PLVS REMARQVABLES QVE SAMMVEL CHAMPLAIN DE BROVAGE A reconneues aux Indes Occidentalles
Au voiage qu'il en a faict en icelles en l'année 1599 et en l'année 1601.